Kredi Enpo pou Timoun 2021 ak Peman Avans Kredi Enpo pou Timoun yo — Sijè L: Kesyon Anpil moun poze sou Gad Pataje (Shared Custody)

Yo te pibliye Kesyon yo Poze Souvan sa yo nan Fich Enfòmasyon 2032-32 PDF, 14 Jiyè 2022.

Q L1. Mwen menm ak lòt paran timoun mwen an ap gade timoun nou an ansanm. Kòman IRS la te deside kiyès nan nou 2 a ki ap resevwa peman avans Kredi Enpo pou Timoun yo? (mizajou 20 me 2022)

A1. IRS la te detèminen kiyès ki te resevwa peman avans Kredi Enpo pou Timoun yo dapre enfòmasyon ki nan deklarasyon enpo 2020 w lan, oswa deklarasyon 2019 la, si IRS la poko te trete deklarasyon 2020 w lan. Oswa, si ou te reklame Kredi Enpo pou Timoun nan pou timoun ou an nan deklarasyon 2020 w lan, ebyen ou t ap resevwa peman avans Kredi Enpo pou Timoun yo. Si lòt paran timoun ou an te reklame Kredi Enpo pou Timoun nan nan deklarasyon enpo 2020 li an, ebyen l ap resevwa peman avans Kredi Enpo pou Timoun yo.

Si ou te konnen ou pa t ap kalifye pou reklame Kredi Enpo pou Timoun nan nan deklarasyon 2021 w lan (sa ki pou avril 2022 a), ebyen ou te ka ale sou sit entènèt IRS la pou ou anile enskripsyon nan peman mansyèl yo. Resevwa peman mansyèl yo nan 2021 an ka vle di ou genyen pou ou retounen peye peman sa yo lè ou ranpli deklarasyon enpo 2021 w lan. Si bagay yo te chanje ankò epi ou gen dwa nan Kredi Enpo pou Timoun nan pou 2021, ou kapab reklame tout montan an nan deklarasyon enpo 2021 w lan lè ou depoze li.

Q L2. Mwen menm ak lòt paran timoun mwen an te dakò, pou rezon enpo sou revni Federal, M ap deklare timoun nan pou chak ane pè pandan li menm l ap deklare li pou chak ane enpè. Mwen te reklame Kredi Enpo pou Timoun nan pou timoun nou an nan deklarasyon enpo 2020 mwen an. Poukisa IRS la te debouse peman avans Kredi Enpo pou Timoun yo pou mwen menmsi mwen p ap reklame Kredi Enpo pou Timoun nan nan deklarasyon enpo 2021 mwen an? (mizajou 20 me 2022)

A2. Paske ou te deklare timoun ou an nan deklarasyon enpo 2020 w lan, IRS la te debouse peman avans Kredi Enpo pou Timoun yo pou ou otomatikman, menmsi ou te konnen ou pa t ap deklare timoun ou an nan deklarasyon enpo 2021 w lan. Lè ou ranpli deklarasyon enpo 2021 w lan (sa ki pou avril 2022 a), ou ka genyen pou ou ranbouse peman avans anplis Kredi Enpo pou Timoun nan ou gen dwa pou reklame nan deklarasyon sa. Yo ka pa kite w ranbouse yon pati oswa tout montan ki anplis lan si ou benefisye yon pwoteksyon ranbousman. Pou plis enfòmasyon konsènan pwoteksyon ranbousman, gade Sijè H: Rekonsilye Peman Avans Kredi Enpo pou Timoun Ou yo nan Deklarasyon Enpo 2021 Ou an.

Si ou te konnen ou pa t ap reklame Kredi Enpo pou Timoun nan deklarasyon 2021 w lan, ebyen ou te ka ale sou sit entènèt IRS la pou ou anile enskripsyon nan peman mansyèl yo. Si bagay yo te chanje ankò epi ou gen dwa pou Kredi Enpo pou Timoun nan pou 2021 an, ou kapab reklame tout montan an nan deklarasyon enpo 2021 w lan.

Q L3. Lòt paran timoun mwen an te resevwa peman avans Kredi Enpo pou Timoun yo menmsi m ap reklame Kredi Enpo pou Timoun nan pou timoun nou an nan deklarasyon enpo 2021 mwen an. ?ske m ap toujou kapab reklame tout Kredi Enpo pou Timoun nan? (mizajou 11 janvye 2022)

A3. Wi. W ap kapab reklame tout montan Kredi Enpo pou Timoun ou an nan deklarasyon enpo 2021 w lan menmsi lòt paran an te resevwa peman avans Kredi Enpo pou Timoun yo. Lòt paran an te dwe anile enskripsyon nan peman avans yo, men desizyon li an p ap afekte posiblite ou pou reklame Kredi Enpo pou Timoun nan.

ob体育

厂辞耻尘è迟

Peye

Ranbousman

Kredi ak Dediksyon

Fòmilè ak Enstriksyon